雙紅傳奇賽 利物浦「雙殺」曼聯

2022年09月25日 12:01
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
國際賽進行得如火如荼嘅時候,周六(24日)晚亦上演咗1場星級大戰「雙紅傳奇賽」次回合,利物浦傳奇隊憑麥克干沙利斯、龐高尼各入1球,主場以2比1反勝有貝碧托夫入波嘅曼聯傳奇隊,紅軍元老繼今年5月首回合作客贏3比1之後,再次擊敗紅魔鬼元老。
兩隊星光熠熠,利物浦傳奇隊由沙比阿朗素做隊長,仲有羅比堅尼、路爾斯加西亞、達寧、史卡迪爾、禾路連、杜迪克等昔日紅軍球星。至於曼聯傳奇隊亦猛將如雲,包括隊長卡域克、史譚、費查、路爾斯華倫西亞、普波斯基等人。
今仗一開波,紅魔鬼傳奇反客為主,由貝碧托夫射入世界波先開紀錄,呢41歲保加利亞名將繼5月首回合後,再次取得入球。
利物浦元老們亦不甘示弱,由麥克干沙利斯無人看管下射成1比1,跟住由龐高尼勁射入網,反超前2比1。曼聯原本有機會扳平,但費沙甘保入波被吹越位,最終輸1比2,兩回合合計,利物浦傳奇隊大勝5比2。
值得一提,前曼聯隊長堅尼今場都有後備上陣,但被利物浦球迷噓爆,似乎仍然對呢位硬漢當年粗野踢法耿耿於懷。今場波有超過3萬人入場,收益將會撥入慈善用途。