曼聯縮皮　打算明夏放走迪基亞

最強博彩盤路過關神器《串績王》：http://win.on.cc/football/　

曼聯早前公布上季淨虧損高達1.15億鎊，會方為咗減少赤字，唔止計劃閂水喉，未來幾個轉會窗減少收購球員，仲打算放走部份高薪球星，英國傳媒指曼聯可能明夏唔同門將迪基亞續約，以節省薪酬支出。

迪基亞將於明夏約滿，曼聯有權優先同呢位31歲西班牙門將續約1年，但會方正在考慮是否行使呢個權利，因為迪基亞周薪高達37.5萬鎊，球隊無緣今屆歐聯，佢減薪25%，但仍然超過28萬鎊周薪，如果曼聯放走迪基亞，每年可以慳到大約1,460萬鎊。

英國《每日電訊報》指曼聯已經有人選接替迪基亞，就係愛華頓門將比克福特，呢位28歲英格蘭國腳將於2024年夏天約滿，如果曼聯明夏出手，應該可以低價簽到佢。