達洛治進攻大爆發 曼聯開新約綁人

2022年09月26日 17:16
東網電視
更多新聞短片
最強博彩盤路過關神器《串績王》:http://win.on.cc/football/ 
葡萄牙上場歐國聯大勝捷克,右閘達洛治「意外」開齋之餘,仲一口氣攻入2球。呢位曼聯球星今季成功企穩正選,而且更被領隊坦哈格解放進攻潛能,今季助攻頻頻有斬鑊,曼聯已經急不及待向佢開出新約將佢「綁」住。
達洛治上季喺蘭歷克執教後,成功壓倒雲比沙卡成為正選,但24場聯賽0入波0助攻,表現麻麻。曼聯今夏收購右閘計劃失敗,反而令達洛治有機會上位,佢喺坦哈格戰術下更多機會助攻,今季8場比賽已有2次助攻,踢國家隊更加梅開二度,助攻威力全面爆發。
23歲嘅達洛治同曼聯合約明年夏天完結,據報巴塞隆拿對佢虎視眈眈,不過《曼徹斯特晚報》指曼聯有權啟動佢合約內自動續約1年條款,而且坦哈格更希望同達洛治續一份長約,意味曼聯已視佢為長遠計劃一部份。