冬季轉會5大球星 全部買晒可組巨型班

20220926
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
今個冬季轉會窗預期會特別熱鬧,因為有多位頂級球星到咗合約最後一年,可以同新球會簽預備合約,甚至直接傾轉會,轉會費亦比預期低,有傳媒列出5大潛在轉會巨星,個個份量十足,如果有球隊全部買晒,可以立即組成一支巨型班。
幾位大牌球星當中,C朗係最有機會離開曼聯嘅一位,佢今夏已經積極爭取轉會,但唔成功,消息指佢經理人佐治文迪斯近期又再做工作尋找新買家,現時潛在買家有兩間,一係拜仁,一係車路士。
巴塞隆拿今夏有意出售前鋒迪比,可惜搵唔到買家,嚟緊佢同球會合約剩番半年,冬窗期間巴塞將再度努力幫佢物色下家,令球會進減輕薪酬支出,目標球會係祖雲達斯。
馬高阿辛斯奧已拒絕同皇馬續約,合約到期就會自由身離隊,皇馬為免人財兩失,今個冬窗係買走佢嘅最後機會,之前有傳過利物浦想簽佢,再激啲嘅傳聞係佢打算過檔巴塞,如果係真就有戲睇咯。
史堅尼亞係國米防線重心,但佢合約亦都到期,如果續約唔成就焗賣,由於佢身價同人工甚高,國米好大機會將佢出售,目標球會係巴黎聖日耳門,因為只有PSG先有咁多錢買佢。
馬體會鋼門奧比歷合約快將到期,暫時冇續約消息,極可能離隊,馬體會好可能喺1月將佢賣走,潛在接收球會係曼聯,因為紅魔鬼打算棄用迪基亞,佢哋一路想簽奧比歷,依家終於有機會。