愈玩愈矮！1米69馬拉西亞改踢中堅？

最強博彩盤路過關神器《串績王》：http://win.on.cc/football/　

曼聯今個夏天重金簽入中堅利辛度馬天尼斯，身高只有1米75嘅佢一度受到質疑，但佢就用表現證明自己中堅實力，估唔到荷蘭領隊尹戈爾仲誇張，打算將另一曼聯新兵杜維爾馬拉西亞，由左閘改造成中堅，呢位小將身高只得1米69，真係難以想像。

荷蘭上場歐國聯對比利時，杜維爾馬拉西亞後備入替尼敦阿基，出任左中堅位置表現唔錯，尹戈爾賽後承認打算將佢改造成左中堅：「馬田斯恩迪受傷肯定趕唔切踢世盃，我需要另一個人出任左中堅位置，我想睇杜維爾馬拉西亞喺呢個位置嘅表現。」

尹戈爾表示，杜維爾馬拉西亞屬於「爛打型」球員，而戴利白蘭特就係「戰術型」，對比利時一仗就係靠杜維爾馬拉西亞嘅速度制衡奇雲迪布尼，尹戈爾表示：「佢嘅防守做得唔錯，不過喺運球組織上仲有進步空間。」如果尹戈爾改造成功，曼聯嘅調動能力亦會得益。