美斯後備上陣入2球 踢緊波照幫球迷簽名!

2022年09月28日 14:04
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
阿根廷周三(28日)朝早喺美國紐約踢熱身賽,輕輕鬆3比0大勝牙買加,今場主角仍然係「球王」美斯,佢後備上陣踢半個鐘多啲就梅開二度,而且仲現場幫硬闖球場嘅粉絲喺背脊簽名,場面相當搞笑。
賽前傳出患上流感嘅美斯,今仗先擔任後備,不過兩隊實力差距明顯,阿根廷13分鐘就由祖利安艾華利斯先開紀錄。美斯喺56分鐘上陣,短短34分鐘時間就有5次射門,4次命中目標兼射入2球,近3場國家隊賽事入9球,以巔峰狀態迎接世界盃來臨。
今場賽事多次出現球迷硬闖球場畫面,目標人物當然就係美斯,當呢位阿根廷巨星射入3比0入球後,一名上身赤裸球迷成功衝到美斯身邊,要佢喺自己背脊上面簽名,美斯亦接過枝筆準備「郁手」,可惜多名保安趕到將個球迷壓喺地上,就連美斯都被撞開,最終索取簽名計劃失敗。