森巴兵排隊赴英 柏基達:英超贏口碑!

2022年09月28日 21:04
東網電視
更多新聞短片
最強博彩盤路過關神器《串績王》:http://win.on.cc/football/ 
今季英超捲起森巴旋風,卡斯米路、安東尼馬菲奧斯、盧卡斯柏基達等巴西球員排隊加盟,巴西今次國際賽大軍,就有12個球員喺英超效力。對於呢個現象,韋斯咸中場盧卡斯柏基達指出,喺英超效力嘅國腳都大力推薦呢個聯賽,口碑愈做愈好之下,其他球員都慕名而來。
夏天以5,270萬鎊由里昂加盟嘅盧卡斯柏基達,有份入選巴西今次名單,佢就話:「首先,英超毫無疑問係世界最佳聯賽,好多巴西人都會談論,喺呢度踢波嘅人會同第二個球員講,英超嘅水平係頂尖,我好開心英超依家有咁多巴西球員,我覺得英超都會幫助巴西國家隊有更好表現。」
巴西依家大軍有12個英超兵,冇入選嘅仲有加比爾捷西斯(阿仙奴)、加比爾馬天尼利(阿仙奴)、加比爾馬加希斯(阿仙奴)、菲臘比古天奴(維拉)、艾馬遜(熱刺)、艾法美路(利物浦)同杜格拉斯雷斯(維拉)。