車路士名將怒插阿諾特：「英冠級」後衞！

最強博彩盤路過關神器《串績王》：http://win.on.cc/football/　

利物浦今季表現下滑，右閘阿歷山大阿諾特更成為眾矢之的，呢位英格蘭國腳嘅助攻同創造力一流，但防守就錯漏百出。曾效力車路士嘅法國中堅拿保夫日前表示，阿諾特只係畀利物浦獨有踢法隱藏缺點，本身佢只係一個「英冠級」嘅防守球員。

法國98年世盃冠軍功臣拿保夫，近日受訪評價英格蘭球員，佢就對阿諾特作出攻擊：「阿諾特嘅攻擊力好得人鍾意，但防守只係英冠級數，佢嘅踢法只係喺高普嘅體系先至生存到，當球隊運動得唔暢順，阿諾特嘅防守弱點就會暴露晒出嚟。」

只係23歲嘅阿諾特仲有進步空間，拿保夫就呼籲對方搵佢「上堂」：「我想親自教佢一啲基本防守技巧，我會叫佢擰轉頭望下自己後方，佢嘅防守肯定會即刻得到提升。」