馬古尼受傷抖2周　被勸睇心理醫生

足球博彩神器，每日重心提供盡在《彩報》：http://win.on.cc/football/　

曼聯中堅哈利馬古尼上季開始表現大跌，球場上犯錯連連成為球迷箭靶，上場歐國聯對德國唔單止輸12碼做罪人，據報佢喺比賽期間更整傷大腿，將要休息2個星期，而前曼聯球星加利尼維利，就呼籲佢去睇心理醫生。

英國《太陽報》報道，哈利馬古尼喺對德國期間大腿受傷，雖然佢堅持踢足全場，但賽後檢查認為佢需要休息2個星期，預計10月中歐霸盃對奧摩尼亞可以復出。不過哈利馬古尼喺曼聯已經失去正選，缺陣對球隊影響唔算太大。

哈利馬古尼每場比賽都被球迷狂噓，信心受到動搖下繼續犯錯，形成惡性循環，前曼聯球星加利尼維利表示：「我以前都遇過，成8個月時間冇晒信心，連攞波都唔想攞，於是我去睇心理醫生尋求幫助，哈利馬古尼情況都係一樣，佢有堅強性格，亦有好好嘅家庭同隊友支持，恢復狀態只係時間問題。」