曼聯喜訊！拉舒福特趕及復出鬥曼城

最強博彩盤路過關神器《串績王》：http://win.on.cc/football/　

曼聯周日(2日)英超「曼市打吡」前有好消息，因傷休養咗接近1個月嘅拉舒福特，近日已經重投操練，將會趕及作客對曼城一仗復出，大大增加「紅魔鬼」搶分機會。

拉舒福特自月初3比1贏阿仙奴後，就因大腿傷患而缺陣，據英國《太陽報》報道，呢位前鋒已經傷愈並重投操練，如無意外可以喺「曼市打吡」候命，佢嘅復出亦意味C朗拿度可能要重返後備席。

英國《曼徹斯特晚報》報道，曼聯一班踢國家隊嘅球員，大部份都喺周三(28)返國卡寧頓訓練基地，只有C朗、般奴費南迪斯、哈利馬古尼同勞基梳爾有多1日時間休息，消息指哈利馬古尼亦有大腿傷患，將會缺陣2個星期。