轉投理文做箭頭 加維蘭嚮往入波感覺

2022年09月29日 19:05
東網電視
更多新聞短片
「前鋒係我踢得最舒服嘅位置,如果球隊認為我夠弗,我隨時準備好。」過去幾年效力本地班霸傑志,加維蘭嚐到染指冠軍的滋味,卻感覺自己未受重視,如今轉投野心勃勃的理文,這位「狂牛兵」希望能夠重返自己更擅長的箭頭位置,誓言要為「黃黑軍團」擔起進攻重擔,力爭冠軍。 ■圖/文:林卓臻
記者與加維蘭(Manu)相約當日正值熱浪來襲,碰頭一刻難免寒喧起天氣: 「今年係我喺香港踢波嘅第4季,自己都仲係覺得好熱好辛苦,喺香港生活,有時真係連呼吸都困難。」剛剛過去的休季期,加維蘭抽空回到西班牙度假,訪問當天,雖然被熱浪焗出一身汗,但放完假「插足電」,這位「狂牛兵」明顯精神抖擻,話鋒又轉到他位於西班牙南部的故鄉,「塞維利亞係西班牙最熱嘅城市之一,夏天氣溫最高會去到攝氏50度,喺當地踢波絕對唔容易,但嗰種乾熱,又同香港嘅濕熱唔同。」加維蘭笑道,不過他說比起疫情,炎夏裏踢波辛苦一點,真的不算是甚麼大問題:「喺香港嘅每一季都畀疫情影響到,踢踢下又停,只希望今季正正常常。」
「亞冠盃」無緣上陣感失望
2008年U17歐洲盃決賽周,加維蘭與堤亞高艾簡達拿和簡拿利斯等人齊齊殺入決賽,最終一役Manu後備入替,用恰當的入楔時機,獻出致命的頭槌攻門;Manu在那一刻化身正印前鋒,為球隊「埋齋」兼贏下冠軍。然而回憶當年,他指自己當時在場上位置,其實是翼鋒:「我踢過咁多隊波,職業生涯大半時間都係踢翼鋒,當然呢個位置我絕對可以勝任,但我更享受踢正前鋒。」2019年來港加盟愉園,Manu在當時實力平平的「快活谷」,成功展現其出色門前把握力,其後更獲得傑志青睞,加入這支本地班霸。
效力「藍鳥」期間,Manu幫助球隊連續兩季聯賽捧盃,收成期來得飛快,他表示非常感恩:「贏得兩個聯賽獎盃,係好大嘅成就,我係好幸運嘅人。」有別於在愉園獨挑大樑,來到傑志後有丹恩奴域等隊友分擔攻堅重任,Manu場上位置亦愈踢愈邊,但仍在逾30次上陣中,斬獲雙位數入球。然而Manu在本地賽場的表現,不足以打動傑志教練團讓其出戰亞洲賽,今年3月他隨傑志赴泰國集訓備戰「亞冠盃」分組賽,惟最終在正式比賽不獲重用。被拒於大軍名單之外,說不失望是騙人的,但Manu透露自己對此早有心理準備:「我知丹恩奴域、巴爾拿同基爾頓會擔正,我去到主要係支持我嘅隊友,以備不時之需;作為職業球員,咁重要嘅比賽,所有人都想有份踢,冇得出場,我係感到失望同唔開心。」
期待一切從新開始
今季理文積極增兵,加維蘭成為球隊重要引援之一,他坦言被新東家的野心和未來計劃所吸引,並認為自己已準備好為球隊衝鋒陷陣:「我非常認同陳曉明同理文嘅理念,今季球隊人腳更強,我哋有更大嘅責任同本錢爭取更好成績,呢個係一個宏大嘅計劃,對此我好有信心。」現時理文前場人腳鼎盛,Manu表示期待與基華尼頓、亞哥斯達及新加盟的艾華頓等進攻拍檔合作,其中當然不少得與自己同聲同氣的洛迪古斯(Belda):「Belda係我嘅好友,今季我哋並肩作戰,同時要爭踢前鋒位置,但我相信無論最終邊個落場,我哋都會互相支持。」去年年尾初為人父,Manu直言人生從此不一樣,並形容如今對自己和家人而言,都是新開始:「新生命、新球隊、新角色……對於未來我非常期待。」
【加維蘭檔案】
出生日期:1991年7月12日(31歲)
身高:1米81
司職:前鋒、翼鋒
球衣號碼:22
曾效力球隊:貝迪斯B隊、拉高斯迪拿、博洛尼亞、SV列特、愉園、傑志(只列部分)
現效力球隊:理文
貝迪斯忠粉不過撐魯爾
作為兩支西甲球隊西維爾和貝迪斯的所在城市,塞維利亞濃厚的足球文化為人熟悉;在西班牙追捧一支愛隊,很多時候沒有選擇的餘地,加維蘭亦不例外:「我哋成家人都捧貝迪斯,所以我喺2、3歲已經有球會會員證,可以入場睇波。」
Manu在9歲時成為貝迪斯青年軍一分子,在那裏渡過10年光陰,Manu一邊鑽研球技,一邊看着球隊代表人物祖亞昆騁馳西甲賽場,然而比起這位「綠白軍團」的傳奇翼鋒,身為Betico(貝迪斯死忠暱稱)的Manu,卻說自己更欣賞前皇家馬德里前鋒魯爾:「佢未必係場上最佳,但絕對係最聰明嘅球員,魯爾永遠會喺最合適嘅位置出現,而且我好鍾意佢比賽中嘅性格,就算唔係皇馬嘅球迷,都會好尊敬魯爾,只因佢喺場上嘅態度,永遠都係大家嘅榜樣。」