艾法美路秘密特訓 預告利物浦大爆發

20220930
東網電視
更多新聞短片
最強博彩盤路過關神器《串績王》:http://win.on.cc/football/ 
利物浦喺夏季轉會窗最後時刻,向祖雲達斯借用巴西中場艾法美路,不過佢加盟後只係為一隊踢過13分鐘比賽,有傳聞話領隊高普對佢表現唔滿意,將會喺1月「退貨」。艾法美路經理人日前澄清,指利物浦對佢嘅狀態進展好滿意,更預告艾法美路即將回復100%狀態,隨時大爆發!
26歲嘅艾法美路今個國際賽期冇份入選巴西國家隊,佢經理人柏斯杜尼路表示:「轉會頭幾個星期,正常都係球員嘅恢復期,今次國際賽期佢放棄自己嘅假期,留喺利物浦進行特訓,佢好快就會回復100%狀態,球會對佢嘅進展非常滿意。」
利物浦依家有拿比基達、居迪斯鍾斯、阿歷士張伯倫等中場傷兵,而且10月份仲要應付6場英超同3場歐聯賽事,賽程非常緊密,艾法美路如果可以打起狀態,對「紅軍」絕對係及時雨。