曼市打吡球證又係佢！曼聯九死一生？

最強博彩盤路過關神器《串績王》：http://win.on.cc/football/　

英超周日焦點大戰「曼市打吡」嘅球證人選公布，奧利華「再」次被委以重任，今場將會係佢第7次執法「曼市打吡」，當中包括上季兩循環對碰。不過曼聯球迷應該唔係太想見到佢，事關奧利華之前6次主吹「曼市打吡」，曼聯輸足5場！

現年37歲嘅奧利華被視為英超最佳球證之一，早喺2014年已經首度執法「曼市打吡」，過去6次主吹呢個戲碼，曼城有5勝1負佳績，呢6仗當中佢只係出示過1面紅牌，就係趕曼聯中堅基斯史摩寧出場。

奧利華歷來執法過48場曼城賽事，「藍月亮」贏當中36場，勝率高達75%：相當曼聯喺奧利華執法嘅比賽，勝率只有38%。