簡迪終於復操　車路士有好日子過

足球博彩神器，每日重心提供盡在《彩報》：http://win.on.cc/football/　

車路士官網日前發布尼高路簡迪操練片段，顯示呢位法國中場已經傷愈，下仗對水晶宮可以候命，不過車仔主帥已經換人，佢將會首次為新帥樸達效命。

簡迪喺開季第2場倫敦打吡對熱刺受傷，休息接近6星期，喺佢缺陣期間，車路士成績嚴重下滑，歐聯首仗輸波後杜曹被炒，換來樸達執教，而簡迪亦錯過多場聯賽及歐聯賽事，甚至連今期法國隊比賽都冇踢。

最新發布嘅影片看見，簡迪已經可以跟大隊練習，證明傷勢冇問題，如無意外應可復出，喺佢缺陣期間，車路士錄得2勝1和3負，聯賽跌落第7，歐聯暫時包尾，嚟緊要發力搶分。

簡迪亦要爭取表現，提升狀態，因為迪甘斯表明法國隊會以狀態點兵，能否入選法國世盃名單，呢段時間係關鍵。