森巴孖寶發威 阿仙奴破熱刺不敗身

20221001
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
英超周六早場北倫敦打吡,阿仙奴前鋒加比爾捷西斯首次出戰打吡即入波,加比爾馬天尼利亦交出助攻,喺主場以3比1擊敗熱刺,全取3分。贏波後擴大領先優勢,「兵工廠」續以8戰7勝1負得21分排榜首,熱刺聯賽不敗身被破,以5勝2和1負以17分續居第3。
阿仙奴今仗強陣出擊,早前國際賽免服兵役嘅「森巴三寶」加比爾捷西斯、加比爾馬天尼利、加比爾馬加希斯擔正,體力上有優勢;熱刺方面孫興民復任正選,夥拍哈利卡尼及李察利臣「三叉戟」,配合穩守突擊踢法,喺前場尋找入波機會。
比賽初段阿仙奴嘅高位逼搶踢法取得較多攻勢,並於20分鐘領先,湯馬士柏迪禁區頂右路接應賓韋特橫傳,快腳抽射死角入網,主隊領先1比0,熱刺嘅快速反擊極具效率,李察利臣把握一次機會,禁區內引到加比爾馬加希斯從後犯規博得12碼,哈利卡尼操刀破網,31分鐘熱刺追和1比1。
下半場再開阿仙奴即有斬獲,布卡約沙卡右路抽射,熱刺門將洛里斯擋出,基斯甸羅美路未能解圍,皮球從洛里斯手底溜出,「耶穌仔」加比爾捷西斯衝前執雞搞掂,49分鐘阿仙奴2比1再度領先。62分鐘熱刺再受打擊,艾馬遜喺中場邊線位置粗暴侵犯加比爾馬天尼利,被直紅驅逐離場,熱刺僅餘10人應戰。
阿仙奴把握人數優勢,格列沙加接應加比爾馬天尼利妙傳近射建功,67分鐘贏到3比1鎖定勝局完場。