夏蘭特老竇：阿仔會喺曼城踢兩年半

足球博彩神器，每日重心提供盡在《彩報》：http://win.on.cc/football/　

艾寧夏蘭特今季加盟曼城，表現光芒四射，原來佢老竇艾法爾夏蘭特一早為佢做好生涯規劃，夏蘭特喺曼城只會踢兩年半，然後就會去不同聯賽檢驗自己能力。

艾法爾夏蘭特近日喺紀錄片《The Big Decision》表示，佢手頭上有份轉會名單，佢話：「喺決定加盟曼城前，我哋有一份轉會名單，曼城是首選，排第2係拜仁慕尼黑，第3係皇家馬德里，第4係巴黎聖日耳門，第5係利物浦、車路士同巴塞隆拿。」

夏蘭特喺薩爾斯堡同多蒙特闖出名堂，今季喺曼城展現世界級實力，但佢仲諗住巡迴不同聯賽，佢老竇話：「夏蘭特喺多蒙特踢咗兩年半，佢同曼城簽約5年，但可能只會踢兩年半，下一站可能會去西甲、意甲、法甲，都有可能。」