揀美斯或C朗做隊友？迪布尼咁答

最強博彩盤路過關神器《串績王》：http://win.on.cc/football/　

曼城中場奇雲迪布尼被譽為「前鋒最好朋友」，因為呢位比利時國腳擅於創造機會，往往可以作出美妙傳送，迪布尼近日被傳媒問到，想揀美斯亦或C朗做隊友，佢放下門戶之見，選擇同市宿敵曼聯射手C朗。

奇雲迪布尼解釋話：「我應該會揀C朗，因為佢更加似一位典型射手，美斯比較似組織者，我都係組織者，所以最好揀1位射手同我合作。」

事實上，奇雲迪布尼上季幾乎可以同C朗做隊友，因為曼城一度要簽入呢位葡萄牙國腳，但最後被曼聯截胡。不過，曼城今季簽入新世代神鋒艾寧夏蘭特，相信奇雲迪布尼更加滿意。