根叔有計！夏蘭特、科頓邊個拎「戴帽波」？

足球博彩神器，每日重心提供盡在《彩報》：http://win.on.cc/football/　

曼城喺打吡戰6比3大炒曼聯，艾寧夏蘭特同菲爾科頓各自連中三元，根據球場傳統習慣，連中三元嘅球員賽後可以將個波拎番屋企留念，不過今場曼城2將都「戴帽」，究竟邊個拎先至合理？曼城中場根度簡就主動出手，化解呢個少少尷尬嘅場面。

同一隊有2個球員喺同一場波入3球，今次係英超史上第3次出現，之前有阿仙奴(2003年)嘅皮利斯、賓納特，以及李斯特城(2019年)嘅艾約斯佩雷斯、占美華迪。完場後夏蘭特第1時間「霸」住個波，點知根度簡突然「偷波」，將個波拋畀菲爾科頓，兩人亦若無其事繼續向觀眾鼓掌致謝，呢個時候原來根度簡已經搵咗另一個後備波，畀佢哋兩個各拎1粒，皆大歡喜。

夏蘭特、科頓「爭波記」：https://bit.ly/3e18HdA　

艾寧夏蘭特同菲爾科頓賽後受訪，夏蘭特就搞笑表示：「一人一個？唔得！將個波切開，一人一半。」事後兩人再喺社交網Po出一人一波合照，為呢場精彩大勝畫上完美句號。