新兵開齋！祖雲達斯打破5場不勝悶局

最強博彩盤路過關神器《串績王》：http://win.on.cc/football/　

近況低迷嘅祖雲達斯大反彈，喺周一(3日)凌晨意甲主場以3比0大勝博洛尼亞，總算打破連續5場賽事不勝悶局。今季新加盟嘅進攻中場菲臘高斯迪終於開齋入波，有利激活進攻火力，為出戰歐聯對海法馬卡比，打入一支強心針。

祖雲達斯上半場24分鐘打開紀錄，杜辛華荷域策動攻勢傳波，菲臘高斯迪喺禁區左路窄角度射入，呢位29歲塞爾維亞國腳上季協助法蘭克福捧歐霸盃冠軍，自己亦成為賽事助攻王，今夏加盟祖記，但表現一般，踢10場比賽終於入波，賽後佢特別多謝杜辛華荷域助攻。

至於杜辛華荷域除咗助攻之外，亦頂入1球，加上米利克勁射入網，幫祖雲達斯大勝3比0，令備受下台壓力嘅教練阿里基暫時鬆一口氣。