港超聯 傑志再添國腳級新援

2022年10月03日 13:45
東網電視
更多新聞短片
傑志再簽兩名新援。(鄧文滔攝)
港超聯球會傑志周一(3日)宣布,簽入能夠司職左閘和左中場的吉爾吉斯斯坦國腳沙根巴耶夫,以及上季效力冠忠南區的翼鋒江展民,兩人分別身穿11號及27號球衣。
現年28歲的沙根巴耶夫,26次代表國家隊上陣,有份出戰上月面對俄羅斯的友賽,來香港前效力當地聯賽班霸多多伊。他今日第二度參與操練,訪問時需要由明加索夫代為翻譯,透露自己曾經與效力東方龍獅的國家隊隊友高素巴耶夫(Tamir)交談:「我同Tamir傾過,佢話香港係一個好好嘅地方,傑志係間出色嘅球會。」沙根巴耶夫指了解到傑志是香港著名球會,又大讚其他隊友的質素,希望在這個環境取得進步:「傑志有具備質素同經驗嘅球員,我會嘗試喺呢間繼續改善自己。」
傑志今季有安永佳,陳晉一及丹尼三位左路球員離隊,因此主教練朱志光認為有需要增添人手,對沙根巴耶夫予以正評:「佢頗有經驗,速率相當足夠,如果適應到香港嘅天氣嘅話,可以喺比賽走上走落。」操練所見,沙根巴耶夫與明加索夫,一同擔任左路位置,「朱sir」解釋希望讓明加索夫,幫助新隊友融入球隊。
至於同日投效傑志的江展民,對加入這支球隊感興奮,希望向隊中所有攻擊球員學習:「每個進攻球員,無論翼鋒定前鋒等等都好出色,我喺所有人身上都學到嘢。」
【沙根巴耶夫 Bekzhan Sagynbaev】
出生日期:1994年9月11日
位置:左後衞、左翼
身高:1米79
球衣號碼:11
【江展民 Maddox Kong】
出生日期:2002年9月17日
位置:翼鋒
身高:1米66
球衣號碼:27