盧卡斯莫拉再傷　或踢完熱刺最後一仗

足球博彩神器，每日重心提供盡在《彩報》：http://win.on.cc/football/　

熱刺自從干地上任後，巴西前鋒盧卡斯莫拉就上陣機會大減，今季只係踢咗12分鐘英超就告受傷，直到上星期重投操練後，呢位30歲前鋒立即再觸傷舊患，干地已證實佢「有排抖」，甚至可能已踢完佢喺熱刺最後一仗。

據英國《Football London》報道，盧卡斯莫拉上星期傷愈復操，但練波嗰陣跟腱又再發炎，干地賽後表示：「我哋依家每3日踢1場，希望唔好再有傷兵，古路斯夫斯基傷咗、盧卡斯莫拉距離康復有好遠嘅路，所以我一直話球隊要有龐大陣容。」熱刺周三(5日)凌晨會喺歐聯作客法蘭克福。

盧卡斯莫拉喺世界盃前多數唔能夠復出，盛傳佢明年1月份更可能離隊，有消息話西維爾打算出手，盧卡斯莫拉亦暗示有興趣轉換環境：「我冇聽過西維爾嘅斟介，但知道佢哋係好好嘅球隊，喺西甲踢波亦係我想經歷嘅體驗。」