英超護級大戰 李城森林大晒冷

2022年10月03日 19:02
東網電視
更多新聞短片
最強博彩盤路過關神器《串績王》:http://win.on.cc/football/ 
英超今輪壓軸戲碼上演護級大戰,由李斯特城主場惡鬥諾定咸森林。李城聯賽7戰仲未開齋,今仗力求打開勝利之門,主場必定搶攻,但球隊後防穿窿,客軍森林亦會睇準弱點鬥攻,2.5球大盤抵玩。(Now 621周二凌晨3時直播)
李斯特城開季7場,除咗第一場和咗賓福特2比2,跟住6場輸晒,如果今場再贏唔到,就會連續4場主場不勝,係自2001/02年球季以嚟首次,當年佢哋包尾降班,球隊上下當然唔想重蹈覆轍。
其實李城攻力唔算差,7戰入10球,同車路士一樣,仲多過未踢曼市打吡嘅曼聯,國際賽期前兩仗對白禮頓同熱刺都入到2球,而且都係先打開紀錄一隊,可惜佢哋防守太差,自從門將卡斯柏舒米高同中堅韋斯利科芬拿離隊之後,失球數字大增,今季7場失22球,6次總入球開3球或以上,入埋唔夠失,係球隊成績唔好嘅主要原因。
諾定咸森林唔怕鬥攻
諾定咸森林只比李斯特城多3分,成績同夏天嘅投資唔成正比,管理層自然有微言,今場面對護級主要對手,作客都無退路,明知李斯特城後防唔掂,梗係同佢鬥攻,森林對上兩場鬥般尼茅夫同富咸都入到2球,相信喺李城身上要取得入波唔難,今場2.5球大熱得有道理。