拿玻里「南韓大簡」金玟哉爆紅

最強博彩盤路過關神器《串績王》：http://win.on.cc/football/　

拿玻里今季表現大勇，排意甲及歐聯A組榜首，新加盟中堅金玟哉憑穩健演出，人氣急升，成為歐洲各大傳媒報道對象，呢位25歲南韓國腳聲稱學習2位著名中堅簡拿華路、沙治奧拉莫斯踢法，令自己不斷進步。

身高1米90嘅金玟哉曾經效力中超球會北京國安，當時已經引起阿仙奴、熱刺注意，幾乎可以去英超搵食，但其後轉投土耳其球隊費倫巴治，拿玻里今夏以1,800萬歐元收購「金仔」，代替轉投車路士嘅高列巴尼。

金玟哉身體強壯，加上出腳準繩，並入咗2球，其中歐聯對利物浦一役，令對手穆罕默德沙拿苦無破門機會。英國《每日郵報》因而大篇幅介紹金玟哉，原來佢深受簡拿華路、沙治奧拉莫斯影響，立志要成為世界頂級中堅。

「大簡」就係效力拿玻里時期打出名堂，「金仔」希望追隨前輩，喺球壇發光發熱，依家行出成功第一步。