湯馬士梅拿再確診　新冠帽子戲法

足球博彩神器，每日重心提供盡在《彩報》：http://win.on.cc/football/　

拜仁慕尼黑周六公布，湯馬士梅拿及甘美治確診新冠肺炎，將錯過周二歐聯對柏辛域陀尼亞賽事，其中梅拿已經係第3次確診，取得「新冠帽子戲法」，甘美治亦第2次確診，佢上次確診後曾出現肺部纖維化，今次再中招未知病情會點。

拜仁公布，兩名確診球員將要隔離5日，將錯過下輪歐聯賽事，對於自己第3次確診，湯馬士梅拿並無特別感覺，當佢檢測發現確診後，更笑稱自己係「新冠三冠王」。

湯馬士梅拿首次確診係去年2月，世冠盃決賽前夕中招，當時新冠全球肆虐，第2次中招係相隔一年後嘅今年2月，當時佢正值狀態大勇，剛當選拜仁1月MVP，今次中招前，佢剛在上場德甲對法蘭克福交出1傳1射，依家又要休息。

至於甘美治首次確診係去年11月，當時佢因為拒絕打疫苗，遭球會扣薪，確診後出現肺部纖維化，休息咗兩個月先康復，今次再中招唔知要抖幾耐。