阿仙奴同沙卡傾續約　加薪接近3倍

足球博彩神器，每日重心提供盡在《彩報》：http://win.on.cc/football/　

英超排榜首嘅阿仙奴，正開始規劃未來，英國《每日郵報》報道，「兵工廠」急於同旗下幾位小將傾續約，其中優先處理係布卡約沙卡，人工將大幅上調，由現時周薪7萬鎊大升至20萬鎊，加薪接近3倍。

阿仙奴已正式向布卡約沙卡提出續約，周薪加到20萬鎊，成為隊內最高收入球員之一，沙卡只有21歲，呢個人工已經相當可觀，不過同齡中仍有比呢份合約更高待遇，佢就係菲爾科頓。

曼城嘅菲爾科頓22歲，年齡比沙卡稍大，現時周薪為22.5萬鎊，不過兩者仍有不同之處，曼城係英超冠軍球隊，背後財力雄厚，每季亦穩定地有得踢歐聯，阿仙奴今季只能參加歐霸，英超爭冠軍仍有漫漫長路，肯出20萬鎊畀佢已經好有誠意。

除咗沙卡，阿仙奴短期內仲要同威廉沙列巴及加比爾馬天尼利傾續約，其中後者受車路士關注，續約係安全措施。