奧巴美揚倒戈A米：當年「大哨」影響我一生

最強博彩盤路過關神器《串績王》：http://win.on.cc/football/　

車路士將於周四(6日)凌晨歐聯主場對AC米蘭，亦係射手奧巴美揚倒戈母會之戰，呢位33歲加蓬國腳出身於A米青年軍，當時有幸經常同2007/08年球季效力呢支意甲勁旅嘅朗拿度見面，奧巴美揚表示，「大哨」對佢影響非常深遠，教曉佢點樣成為1位出色射手。

奧巴美揚同AC米蘭有深厚淵源，三兄弟都曾經喺A米青年軍受訓，結果得「細佬」奧巴美揚打出名堂，佢話當年最幸運係遇上朗拿度：「老實講，當時朗拿度有啲肥，但仍然係最佳前鋒，我冇諗過取代佢嘅位置，只係想睇住佢操練同比賽，從中學習，努力提升自己，朗拿度好有個性，有堅強精神，前鋒就需要呢種特質，佢喺我成長過程中有好大影響力。」

不過，奧巴美揚效力A米3年日子都係被外借，最後轉投聖伊天，佢曾於2017年「國際冠軍盃」為多蒙特上陣對AC米蘭，並射入2球，協助球隊贏3比1，今仗再次倒戈，相信都係冇面畀，要全力爭取入球。