反骨仔！祖記射手加盟未夠1年就嗌走

最強博彩盤路過關神器《串績王》：http://win.on.cc/football/　

英國傳媒報道，指祖雲達斯前鋒杜辛華荷域不滿球隊今季表現低沉，愈踢愈冇癮，打算離隊加盟具爭標實力嘅球隊，據悉車路士、拜仁慕尼黑、巴黎聖日耳門都有意爭奪呢位22歲塞爾維亞國腳。

杜辛華荷域今年1月以7,000萬歐元轉會費，由費倫天拿加盟祖雲達斯，上季意甲為祖記上陣15場聯賽入7球，今季意甲踢7場已有5球進帳及1次助攻，但球隊成績仍然低迷，8場聯賽僅3勝，令杜辛華荷域非常洩氣，萌生去意。

車路士同拜仁慕尼黑對杜辛華荷域虎視眈眈，車仔現時僅靠33歲老將奧巴美揚踢正前鋒，實非長久之計，需要簽入新射手。拜仁失去羅拔利雲度夫斯基後，新加盟嘅沙迪奧文尼唔多適合踢正前鋒，所以都想收購杜辛華荷域。

值得一提，拜仁今夏以6,700萬歐元買入祖記中堅馬菲斯迪歷特，兩間球會隨時再有交易都唔出奇。