坦哈格叫停所有球員續約　審視球員表現

足球博彩神器，每日重心提供盡在《彩報》：http://win.on.cc/football/　

曼聯輸波新聞多，英國傳媒再爆料，領隊坦哈格已告知曼聯高層，暫停與所有球員續約，佢會再審視球員表現，再作決定。

現時曼聯有8位球員合約即將到期，計有C朗、迪基亞、拉舒福特、勞基梳爾、費特、達洛治等6位主力，佢哋可以延長1年合約選項，球會正同佢哋商談續約，但坦哈格認為唔使急住續約。

英國《電訊報》報道，坦哈格將會再審視球員表現，例如狀態、抗壓能力、做後備嘅態度等等，估計不達標球員將被棄用。

消息一出，引起曼迷熱烈討論，有人認為呢種手法似足費格遜後期嘅管理，令球員場上更積極、搏命同賣力，咁先有可能爭入前4名，但亦有球迷指坦哈格應該審視自己嘅戰術設計同排陣，唔好亂搞班球員。