熱刺1次中龍被悶和　干地唔認龜縮有問題

最強博彩盤路過關神器《串績王》：http://win.on.cc/football/　

上場聯賽輸波嘅熱刺，周三(5日)凌晨歐聯再次「死火」，作客只能夠同法蘭克福悶和0比0，目前喺D組3戰得4分，僅以得失球壓住法蘭克福排第2位。熱刺今仗全場只有1次中龍埋門，領隊干地嘅防守踢法再受批評，但佢就堅持唔會改變風格。

熱刺今場用番上仗「北倫敦打吡」輸波嘅11人，哈利卡尼、孫興民同李察利臣繼續組成三叉戟，雖然進攻牌面相當華麗，不過熱刺獨沽一味嘅穩守突擊戰術，就浪費晒一班進攻好手，全場只有1次中龍埋門，比法蘭克福嘅2次中龍更少，結果兩隊悶戰0比0完場。

賽前干地回應佢嘅「龜縮戰術」質疑：「我唔鍾意踢得太開放，暴露太多空位而失6球、7球，我嘅教練生涯從未經歷過(慘敗)。我都贏過英超，我諗我知道點樣教人踢波。」