車路士3蛋贈AC米蘭　樸達歐聯第1勝

足球博彩神器，每日重心提供盡在《彩報》：http://win.on.cc/football/　

周四(6日)凌晨歐聯E組賽事，車路士主場3比0大勝AC米蘭，拎到新帥樸達執教生涯首場歐聯勝仗，射手奧巴美揚連續第2場比賽入波，「藍戰士」似乎逐步重返正軌。

車路士開季成績不濟，樸達上月接手執教，歐聯首演只能夠打和薩爾斯堡1比1，不過今場對AC米蘭出乎意料輕鬆，韋斯利科芬拿24分鐘先開紀錄，56分鐘奧巴美揚接應列斯占士傳中近門射入，5分鐘後列斯占士右路窄位狂抽入網，協助車路士大勝3比0，喺E組3戰得4分，落後榜首薩爾斯堡1分。

樸達賽後大讚球隊表現：「0失球、3個入波，球員展現出良好嘅作戰態度，呢場勝仗非常重要，我好開心。」至於奧巴美揚繼上場對水晶宮入波後，今仗拎到佢自2017年後首個歐聯入波，而且仲係對住自己曾效力過嘅AC米蘭，佢賽後表示：「我好享受車路士嘅生活，贏波嘅時候一切都好簡單，我哋要保持呢個態度。」