40萬人聯署英超踢走夏蘭特　因為佢係機械人

足球博彩神器，每日重心提供盡在《彩報》：http://win.on.cc/football/　

網上流傳英國政府網站有一份請願書，內部係要求英超將艾寧夏蘭特除名，原因係夏蘭特係機械人，共有超過40萬人簽名，似乎係另類稱讚夏蘭特踢得好。

夏蘭特上場曼市打吡連中三元，尋晚歐聯僅踢半場又入兩粒，今季上陣12場，包括8場英超、3場歐聯、1場社區盾，共交出19球3助攻驚人數據，再咁落去，今季入球60+並非難事，已有評論指出，夏蘭特已經毋須適應英超，而係整個英超要去適應佢，認真誇張。

因為佢太犀利，網傳已有40萬人聯署向英國政府請願，要求英超踢走夏蘭特，原因係夏蘭特係機械人，並非人類，但亦有指呢份請願書只係P圖，純粹網民惡搞，不過無論真假，夏蘭特已成為英超焦點，大家都想睇佢喺英超嘅極限會係點，入到幾多球。