阿仙奴豬籠入水　新波衫贊助勁袋6億鎊！

足球博彩神器，每日重心提供盡在《彩報》：http://win.on.cc/football/　

阿仙奴今季英超成績突出，連帶財政收入亦豬籠入水！「兵工廠」日前同波衫贊助商adidas續約至29/30球季，全新嘅8年贊助合約細節曝光，據報贊助費由原本每年6,000萬鎊，暴升至7,500萬鎊，8年合約總值6億鎊，同曼聯睇齊成為英超最貴波衫贊助球隊。

根據原本嘅波衫贊助費排名，曼聯以每年7,500萬鎊排第1，曼城同車路士分別係6,500萬鎊同6,000萬鎊，阿仙奴今次續約能夠同曼聯睇齊，除咗因為今季成績突出之外，阿仙奴女子隊嘅受歡迎程度急升亦係原因之一。

除咗基本嘅贊助費之外，adidas仲會開出各項冠軍獎金，贏英超、歐霸盃、足總盃等都有唔同獎金數目，據報總獎金數目可以去到400萬鎊。