英超最差收購？古天奴玩殘謝拉特

最強博彩盤路過關神器《串績王》：http://win.on.cc/football/　

阿士東維拉開季成績令人失望，巴西中場菲臘比古天奴成為眾矢之的，呢位前利物浦球星今年1月外借加盟後光芒四射，點知維拉用1,700萬鎊將佢買斷後，菲臘比古天奴即刻「隱形」，今季仍未有任何入波或助攻，獲評為英超今季最差收購都係實至名歸。

已經30歲嘅菲臘比古天奴今季狀態低沉，雖然領隊謝拉特一直對佢委以重任，但佢8場聯賽都冇入波或助攻，連埋上季尾在內，最近20場比賽只有1入波0助攻，謝拉特日前亦暗示阿根廷攻擊中場貝安迪亞有機會搶走正選：「古天奴表現已經好轉，但佢需要入波或助攻嚟提升信心......貝安迪亞已經準備好正選上陣。」

菲臘比古天奴除花咗維拉1,700萬鎊之外，佢張合約亦去到2026年，周薪高達12.5萬鎊，如果佢踢唔番本來水準被貶，意味維拉未來4年都要養住呢位高薪後備，將會成為一大財政負擔。