小組「阿3」陣容豪華　歐聯名牌齊爭歐霸？

足球博彩神器，每日重心提供盡在《彩報》：http://win.on.cc/football/　

今屆歐聯分組賽有唔少名牌球隊表現失準，頭4輪賽事踢完之後，有多支傳統班霸面臨出局危機，巴塞隆拿、馬德里體育會、祖雲達斯、AC米蘭等名牌都排喺第3名，隨時要「降呢」落去爭歐霸盃！

歐聯分組賽頭2名出線16強，第3名就會落去踢歐霸附加賽，如果以依家嘅小組排名去睇，8次「降呢」球隊會係阿積士、馬德里體育會、巴塞隆拿、士砵亭、AC米蘭、薩克達、西維爾同祖雲達斯，卡士相當強勁。

歐霸盃本身已有曼聯、阿仙奴兩大冠軍熱門，如果再加埋歐聯呢8支空降兵團，份量絕對拍得住歐聯，可能係史上最豪華嘅歐霸爭逐！