邁亞密出局　希古恩含淚掛靴

足球博彩神器，每日重心提供盡在《彩報》：http://win.on.cc/football/　

國際邁亞密喺美職季後賽0比3不敵紐約城後，該隊阿根廷射手希古恩嘅球員生涯亦告結束，賽後佢蹲下掩面落淚，宣布掛靴。

34歲嘅希古恩喺河床出道，喺歐洲踢過皇馬、祖記、拿玻里、AC米蘭同車路士，兩年前轉戰美職國際邁亞密，上陣67場入27球11助攻，國家隊上陣75場入31球，但多次在國際大賽飲恨，包括世界盃、美洲盃及南美國家盃。

終於掛靴，一切俱往矣，希古恩感觸表示：「夢想結束喇，新生活開始，我所愛嘅一切都結束喇，係我生命嘅一半，17年足球生涯，直到今日我都付出一切，我嘅生活將進入新階段，我好滿足，我會享受之後嘅一切，我嘅伴侶、女兒、家人、朋友。」

唔踢波有咩打算，希古恩表示無意執教，但對於心理輔導工作感興趣：「呢點喺比賽中好重要，你可以擁有所有技能及天賦，但如果精神狀態唔好，咁一切都冇意義。」