曼聯下一個考驗　翻生神龍Kepa

足球博彩神器，每日重心提供盡在《彩報》：http://win.on.cc/football/　

曼聯嚟緊火併車路士係英超前4關鍵戰，今仗其中一個焦點，將會係車仔門將阿列沙巴拿加嘅演出，呢位西班牙門將近期由膠龍變神龍，唔經唔覺已經連續5仗不失球，曼聯想入佢波睇怕冇咁易。

Kepa喺車仔生涯起伏不定，2019年英聯盃決賽因拒絕被時任主帥沙利換出，最終失盃留下污點，之後因多次派膠，會方簽入艾度亞文迪後淪為後備，上季英聯盃對利物浦又射失12碼失盃，正宗悲劇人物。

不過近期佢終於轉運，杜曹被炒樸達接手，Kepa獲重用，近期神救不斷，包括兩度零封AC米蘭，近3仗英超0失球，對上一個失波係10月初對水晶宮。

英超數據顯示，Kepa喺英超上陣4場，錄得1失球、3場零封、撲救16次，撲救成功率高達94.1%，近期對阿士東維拉同賓福特都作出神救，踢到上晒身，嚟緊呢場守唔守得住曼聯？