港超聯　首膺POM　費查：望表現繼續穩定

港會於周日（30日）「中銀人壽香港超級聯賽」頭場，在香港仔運動場與冠忠南區踢成0比0。賽後門將費查當選為賽事最佳球員（POM），他直言成功搶分有賴全隊努力，又希望自己今季表現繼續保持穩定。

港會門將費查今季首膺POM，賽後他直言感覺良好，指保持不失球是自己比賽最渴望的事情，並稱這屬於全隊努力的成果。費查今場撲救次數不多，但他卻滿意自身表現，希望之後可以延續穩定發揮：「印象中只有一次撲救，其餘時間都係迎接傳中球、開死球同提點隊友。不過龍門依個位就係咁有趣，有時可能救完幾球，但球隊都係輸波；而有時只要好似今場咁，發揮穩定就得，希望今季繼續保持到。」

港會至今聯賽4場未嘗一敗，費查坦言季前未有預計，但認為球隊表現絕對值得：「我哋防守個陣，所有人喺場上好清楚要點做，另外又簽入咗積施利等具經驗球員，加上原有球員，整體實力強咗，令我哋可以踢得更好。」