些路迪1月簽小林裕紀　第5個日本兵

足球博彩神器，每日重心提供盡在《彩報》：http://win.on.cc/football/　

據日本媒體報道，蘇超勁旅些路迪已同神戶勝利船達成協議，將會喺明年1月簽入22歲中堅小林裕紀，依家只待雙方傾掂個人條件就可以成事。小林裕紀轉會後，將成為些路迪陣中第5個日本球員。

小林裕紀係左腳中堅，曾經代表日本U20，但仍未做過日本大國腳，今次轉會明顯係些路迪教練普斯迪高路嘅主意，呢位澳洲教頭教些路迪，曾執教橫濱水手3年，對日本聯賽非常熟悉，近年亦不斷向日本球員埋手。

小林裕紀將會係些路迪陣中第5個日本球員，目前最成功嘅當然係首席射手古橋亨梧，前鋒前田大然同後防旗手怜央都係球隊主力之一，只有井手口陽介未受到重用。些路迪今屆歐聯已經出局，但喺蘇超就穩坐榜首。