熱刺中堅抖10日　可趕及出戰世界盃

最強博彩盤路過關神器《串績王》：http://win.on.cc/football/　

熱刺中堅基斯甸羅美路早前受傷，一度令人懷疑呢位阿根廷國腳能否出戰今屆世界盃決賽周，根據熱刺隨隊記者Dan Kilpatrick及阿根廷記者Gaston Edul最新透露，基斯甸羅美路只需要抖10日，雖然會缺陣熱刺未來3場比賽，但仍可趕及復出踢世界盃。

基斯甸羅美路因傷已經缺陣熱刺近2場賽事對般尼茅夫、馬賽，以目前情況睇，熱刺下場英超主場對利物浦、英聯盃作客對諾定諾森林、英超主場對列斯聯都唔使預佢。

阿根廷國家隊主帥史卡朗尼表示，依家唔可以心急，只能夠等待羅美路嘅傷勢檢查報告，由於阿根廷首場世界盃分組賽係11月22日晚對沙特阿拉伯，相信基斯甸羅美路仲有足夠時間康復候命。