35歲華迪起孖 李斯特城大勝晉級
20221109
東網電視
更多新聞短片
(Getty Images)
最強博彩盤路過關神器《串績王》：http://win.on.cc/football/
周三(9日)凌晨上演多場英聯盃第3圈賽事，近期回勇嘅英超球隊李斯特城再下一城，主場以3比0大勝乙組仔紐波特郡，35歲老將占美華迪重拾射門鞋，個人梅開二度，證明自己寶刀未老。
李斯特城早前一度陷入降班危機，但隨住近4場英超贏3場，已經大大紓緩護級壓力，今仗出戰英聯盃，亦冇錫力，由右後衞占士祖斯甸入波，打開紀錄。
換邊之後，占美華迪入2球，呢位前鋒今季入球數字大減，直至上月底英超對狼隊，先至開齋，今仗梅開二度，應該有助佢提升信心，對於「狐狸兵團」改善成績大有幫助。
不過，李斯特城贏波亦付出代價，入波功臣之一嘅占士祖斯甸受傷，可能無法為英格蘭踢今屆世界盃。英軍右閘位置已經有基爾獲加、列斯占士受傷，依家占士祖斯甸都出事，主帥修夫基肯定頭痕。
另1場全英超對決，般尼茅夫主場以4比1大勝愛華頓，「拖肥糖」喺聯賽及盃賽表現都非常差，睇怕領隊林柏特嘅帥位愈來愈危。