艾華利斯3場創造5球　阿根廷爭世盃秘密武器

最強博彩盤路過關神器《串績王》：http://win.on.cc/football/　

曼城上仗英聯盃以2比0擊敗車路士，今季新加盟嘅祖利安艾華利斯又入波，呢位22歲阿根廷國腳近3場比賽創造5個入球，包括射入3球及2次助攻，風頭直逼「人氣王」隊友艾寧夏蘭特，主帥哥迪奧拿表示，2位射手可以並存，將來可望同時擔任正選。

祖利安艾華利斯入「城」初期，多數時間屈居後備，由於艾寧夏蘭特早前受傷，佢終於可以擔大旗，近3場都有波入，今季各項賽事上陣19次入7球及2次助攻，包括今場英聯盃攻破勁敵車路士大門。

哥迪奧拿非常滿意呢位新星表現：「祖利安艾華利斯加盟以來，一直有好表現，已經入咗唔少波，佢嘅競爭對手夏蘭特係世界最佳前鋒之一，夏蘭特仲未完全傷愈，我認為兩人可以共存。」根據哥帥意思，應該打算用夏蘭特同祖利安艾華利斯合作踢雙箭頭。

另外，祖利安艾華利斯有份入選阿根廷出戰今屆世界盃嘅初步名單，以佢近期出色表現，成為球隊爭冠重要本錢。