世盃再少1星　沙迪奧文尼開刀緣盡決賽周

最強博彩盤路過關神器《串績王》：http://win.on.cc/football/　

世盃開鑼前再有巨星缺席，非洲冠軍塞內加爾周四(17日)宣布，王牌前鋒沙迪奧文尼傷患嚴重，已經進行手術根治，肯定無緣出戰今屆世界盃賽事，嚴重打擊塞內加爾爭取好成績嘅機會。

沙迪奧文尼早前為拜仁慕尼黑比賽期間受傷，但塞內加爾仍然選佢入26人大軍，原本希望佢可以喺分組賽較後時間復出，但結果未如人意，塞內加爾證實沙迪奧文尼將唔能夠喺世盃上陣。拜仁慕尼黑亦發出聲明，指沙迪奧文尼周四(17日)晚進行手術治療跟腱傷患，未來幾日會展開復康治療。德國《圖片報》指，沙迪奧文尼將要養傷3個月，甚至連歐聯16強賽事都會錯過。

沙迪奧文尼係塞內加爾嘅靈魂人物，今年2月非國盃決賽亦射入致勝12碼，帶領球隊勇奪冠軍，呢位前鋒缺陣下，塞內加爾會靠伊斯美拿沙亞入波數胡，佢哋首場分組賽，會喺下周二(22日)凌晨對歐洲勁旅荷蘭。