英格蘭世盃登場　查理史葛：唔敢打擾「福仔」

4年一度的足球盛事世盃正式展開，港人最愛的英格蘭國家隊將在周一（21日）晚上登場，於B組首場分組賽面對伊朗，而現效力港超聯球隊傑志的英格蘭籍中場查理史葛（Charlie），透露自己賽前不敢打擾好朋友拉舒福特，希望「三獅軍團」順利旗開得勝。

英格蘭於今屆世盃首次亮相，首場分組賽率先面對亞洲勁旅伊朗，效力傑志的英格蘭藉外援查理史葛正身處香港，但直言此刻感到十分緊張及興奮，希望「三獅軍團」整場可以盡量保持控球權：「我對今場對手冇太深認識，但我覺得英格蘭需要盡量控球在腳，令伊朗防守付出更多體能，然後就自然揾到入波，我估贏3比0！」

Charlie過往曾效力曼聯青年軍，與英格蘭大軍名單中部分球員，包括拉舒福特份屬好友，但他透露賽前未有打擾對方：「我冇同任何一位球員傾過計，因為知道球隊正喺卡塔爾努力訓練當中，唔想影響我嘅好朋友，另外我相信佢哋每一日都會收到大量祝福信息。」