阿根廷今晚登場　美斯賽前腳踝腫到咁！

陳瀅Kylie C陪你喺《彩報》玩轉世盃：https://win.on.cc/football/　

阿根廷將於今晚（22日）登場，世界盃D組大戰沙地阿拉伯，有記者於賽前操練影到美斯右腳踝明顯腫起，引起受傷疑雲，不過美斯記者會上重申自己「狀態良好」，相信佢亮相今場比賽。

美斯早前因阿基里斯腱發炎而要獨自訓練，周一（21日）佢終於回歸阿根廷隊團體操練，不過有記者就影到美斯右邊足踝明顯腫起，疑似有新傷勢！不過美斯喺記者會上稱：「我身體狀態非常理想，身心都冇任何問題，場邊訓練只係因為安全起見。今屆係我最後一屆世盃，係最後一個圓夢機會。世盃唔同其他比賽，你永遠唔會知下次仲有冇機會踢，所以我同年輕球員講，一定要盡情享受。」

今屆好大機會係7屆金球獎得主美斯嘅最後一屆世界盃，佢能否圓夢帶領阿根廷捧走冠軍成為焦點。賽前記者會結束後，記者們向美斯送上掌聲，更有記者為其打氣，高呼：「加油！」

美斯亦相當期待今屆世盃來臨，佢喺Instagram上寫：「我一向為代表國家隊感到自豪，明日我們將帶著強烈的渴望出戰另一屆世界盃，我們會並肩作戰！阿根廷加油。」