比利時「8年不變」 迪布尼拎MVP尷尬自嘲

2022年11月24日 08:19
東網電視
更多新聞短片
世盃狂熱盡在《彩報》:https://win.on.cc/football/ 
今屆世盃被視為比利時「黃金一代」最後機會,分組賽首仗雖然1比0擊敗加拿大,但整體表現就令人失望。呢支「歐洲紅魔」今場正選11人,竟然有超過半隊同8年前世盃首仗一樣,當中包括王牌球星奇雲迪布尼,佢賽後獲選為今場最佳球員,但領獎嗰陣尷尬表示:「呢個獎係睇名氣嚟頒?」
比利時嘅「黃金一代」由2014世盃開始,當時佢哋相隔12年首戰世盃,第1場分組賽對阿爾及利亞嘅正選陣容,有6個仍然喺對加拿大一仗擔正,包括泰拔高圖爾斯、艾達韋列特、維頓漢、韋素、夏薩特同奇雲迪布尼,唔同嘅係佢哋今屆已經大咗8歲,由「黃金一代」變成「黃昏一代」。
31歲嘅奇雲迪布尼今場表現差勁,傳球成功率只有70%,2次射門有1次中龍,但賽後仍然獲選為賽事最佳球員,佢領獎嗰陣亦顯得尷尬,呢位效力曼城嘅中場話:「我唔覺得比利時今場踢得好,亦都唔明點解我會係最佳球員,或者呢個獎係睇名氣嚟頒?」