碧咸做紅魔班主？傳聯手英國首富收購曼聯

世盃狂熱盡在《彩報》：https://win.on.cc/football/　

英超勁旅曼聯早前發聲明指格拉沙家族正研究賣盤，好快就傳出有唔少財團希望作出收購，當中包括全英國最有錢嘅拉特克利夫，據悉佢哋仲想揾嚟前紅魔鬼球員碧咸合作，務求提升成事指數。

格拉沙家族周三(23日)凌晨表示，為咗推動球隊未來發展，願意引入新投資者、賣盤或其他交易方式，聲明一出之後希望成功收購曼聯的財團，即刻極力游說前曼聯傳奇球星碧咸合資，以提升成事指數。據《泰晤士報》報道，億萬富翁兼國際邁亞密班主碧咸，雖然唔能夠獨力收購前球隊曼聯，但對同其他潛在買家嘅合作持開放態度。

作為曼聯球迷嘅拉特克利夫，喺今年8月曾表示願意接手曼聯，但未能收購成功，有傳今次格拉沙家族賣盤索價至少90億英鎊，但對依名英國首富相信唔係太大問題。