【官宣】哥迪奧拿續約2年　曼城仲有排威

最強博彩盤路過關神器《串績王》：http://win.on.cc/football/　

曼城正式宣布，成功同領隊哥迪奧拿續約2年，直至2025年夏天，消除球隊最大不明朗因素，等12月底英超重開之後，有助「藍月亮」專注挑戰各項錦標。

哥迪奧拿原本合約將於明年夏天屆滿，呢位51歲西班牙名帥曾經透露想等今季結束後再決定去留，依家提早續約，可以穩定軍心，對球隊絕對係重大利好消息。

哥帥續約之後表示，非常感謝球會對佢嘅信任，並大讚曼城為佢提供最好嘅工作條件。

哥迪奧拿2016年夏天開始執教曼城，領隊踢374場比賽贏咗271場，合共奪得11項錦標，包括4次英超冠軍，並打入2021年歐聯決賽，可惜不敵車路士，哥帥留隊最大目標一定係協助曼城一圓歐聯冠軍夢。