克羅地亞最上鏡女球迷 亮相卡塔爾同樣索爆

2022年11月24日 15:44
東網電視
更多新聞短片
被譽為克羅地亞最靚女球迷的Ivana Knoll在卡塔爾現身。
世盃狂熱盡在《彩報》:https://win.on.cc/football/
四年前喺俄羅斯世界盃被譽為克羅地亞最靚女球迷Ivana Knoll,今屆嚟到卡塔爾都見到佢出現,尋晚格仔兵團首戰,佢都為愛隊撐場。
Ivana曾被評為最性感嘅啦啦隊隊長,過往唔同嘅性感裝扮都成為攝影師鏡頭裡嘅主角,佢有修長嘅大腿,身材又高,好容易就被人認出,喺克羅地亞對摩洛哥之前,佢就現身喺球場,一身紅色格仔裙相當搶眼。
不過,今次Ivana收起暴露,入鄉隨俗跟當地嘅女士習慣,戴上頭巾,用自己嘅長裙完全遮住雙腿,雖然著得密實,但有另一種性感美,難怪又唔少克羅地亞球迷同佢打招呼,甚至有年輕人問佢「炒牌」添。
Ivana出生於德國,年幼時隨父母搬到薩格勒布,而佢阿爸係一位超級球迷,係薩格勒布迪納摩同埋克羅地亞嘅死忠粉絲,所以Ivana細細個已跟老竇去睇波。佢依家全球擁有約56萬粉絲,而佢有好多靚衫,差唔多全部都係紅白格仔,係克羅地亞嘅標誌。