票務系統出事　球迷博大霧免費入場睇波

陳瀅Kylie C陪你喺《彩報》玩轉世盃：https://win.on.cc/football/　

今屆卡塔爾世界盃問題多多，包括突然推行「禁酒令」導致球迷掃興，但有時「錯有錯着」反而令球迷得益，根據西班牙《馬卡報》爆料，早前A組賽事塞內加爾對荷蘭，由於票務系統及入場旋轉閘出現問題，保安人員為免阻礙球迷入場引起鼓譟，乾脆打開大門，不需要檢查門票讓人入場，部份沒有門票的球迷亦博大霧成功免費入場睇波。

根據原本安排，球迷需要出示手機程式的門票，才可以入場，但票務系統出現問題無法認證，由於場外已經聚集大批球迷，群情洶湧之下，保安唯有開門放行。

據悉有部份沒有門票的球迷趁機入場，有記者「以身試法」自拍入場過程，保安並沒有檢查他是否有門票。

另1場賽事英格蘭對伊朗，亦出現相同問題，結果只能中門大開，放人入場。