英美對戰在即 菲杜化期待祖迪比寧咸演出

2022年11月25日 12:46
東網電視
更多新聞短片
(資料圖片/Getty Images)
2022卡塔爾世盃繼續燃起戰火,英格蘭將於周六 (26日)與美國正面交鋒,港會英籍中堅菲杜化認為球隊有力勝出,面對任何對手都無所畏懼,他又對祖迪比寧咸的表現引頸以待,覺得此子絕非池中物。
英格蘭在去年「歐國盃」取得亞軍,加上陣中部份球員於所屬球隊表現大勇,自然被視為今屆世盃冠軍熱門之一,首戰亦以6比2大勝伊朗,菲杜化認為英格蘭首場表現理想:「球隊表現真係好好,今場可能係英格蘭史上其中一場,發揮最出色嘅世盃首戰,我對於呢個戰果相當開心。」在英格蘭一眾好手當中,菲杜化最期待上場對伊朗頂入一球的祖迪比寧咸之演出:「絕對想睇祖迪比寧咸嘅表現,以19歲標準嚟講,佢擁有出色嘅天賦。」
談到身處B組的英格蘭,將與美國交手,菲杜化指「三獅軍團」不需懼怕任何對手:「我覺得英格蘭無論對住邊一個對手,都有能力爭取好成績,希望我哋可以打入較後階段,例如準決賽等。」